17.7.10

Kalua dan Hintalo

Kalau Amuntai terkenal dengan Itik Alabio nya, kalau Barabai terkenal dengan Apam Barabainya, Kalau Kandangan teh terkenal dengan Dodol nya, lain lagi dengan Kalua,dalam episode ini Kelua terkenal dengan Hintalo, napang garang maka Hintalo lah.....?
Kalau orang yang belum tahu, maka akan bingung, kanapa maka Kelua terkenal dengan Hintalo.
Kalau Amuntai ulih jua banyak orang bagaduhan itik di Alabio, sampai ribuan nang bagaduh di situ, ngintu pang nang maulah terkenal amuntai. sampai-sampai ada patung itik raksasa di kota amuntainya. parak jumbatan Paliwara.
Kalau di Barabai terkenal lawan Apamnya karena Apam Barabai nyaman-nyaman dan banyak dijual di daerah-daerah Barabai dan sekitarnya.
Kalau Kandangan teh banyak orang nang bajual Dodol Kandangan di pinggir jalan rayanya, amun bajalanan ka Kandangan kada langkap bila kada bulik karumah kada mambawakan Dodol Kandangan, ngintu pang nang maulah Kandangan terkenal se antiro ....
Namun Kalua terkenal lawan hintalo?? , Rupanya talusur dami talusur, sakalinya orang Kalua ne sakti-sakti, harat-harat dan hapuk-hapuk orangnya, orang kalua ngini kawa mamanjangakan hintalo, Bubuhan Kalua kawa mamanjangakan hintalo sampai 1 meter. hintalo napa haja kawa dipanjangkan, hintalo itik, hintalo ayam, hintalo bidawang kah tatap orang kalua kawa mamanjangakan, Para pakar Teknologi Dunia nang kaya Orang Jerman, orang Amerika lawan orang Japang haja  kada kawa mamanjangakan hintalo jadi 1 meter nang kaya orang kalua, Mun kaitu jakanya orang kalua ne masuk Rekor Indonesia pang / dapat penghargaan dari MURI, bahkan amun perlu masuk rekor dunia  GUEN'S OF THE WORLD, Setelah orang luar negeri meniliti lebih jauh, sakalinya lain hintalo nya nang   nang bapanjang secara fisik, hintalonya tatap kakaitu haja panjang nya, tapi sambatannya haja sakalinya nang bapanjang 1 meter, amun dari segi tajwid Al-Qur'an panjangnya menjadi 6 harakat atawa bisa jua dangarannya maliuk-liuk panjangnya kaya orang Adzan Magrib, malut banar ujar orang tadih..,,,  hintalo
Wajar haja pang orang kalua logat bahasanya panjang dan alunan melayu nya kental bangat, dikarenakan Kalua taparak lawan Malaysia, dibandingkan Amuntai, Barabai, dll.
Tapi biar kaitu Bubuhan Kalua kada usah supan dan minder lawan logat kita, kita tetap cinta tanah air kelahiran kita tercinta,  itulah sudah ciri khas logat orang Kalua nang ditakdirkan oleh ALLAH SWT, Tuhan sang Pencipta menciptakan manusia dari berbagi Ras, Suku, Warna Kulit, Bahasa dan Logatnya yang berbeda-beda, karena perbedaan itu adalah keindahan, semua manusia itu tidak ada yang sempurna dan semua saling memiliki kelebihan dan kekurangan masing-masing, kalau kita malihat logat daerah lain, banyak jua nang modil modil, nang kaya logat orang Amuntai contohnya, kalau orang Kalua bepander pengucapannya fasih haja manyambat RRRR , mun orang Amuntai logat orangnya pilat-pilat, RRRR nya batagarrr kada bisa manyambat RRRR .(^_^) "peace Amuntai, damai ja qita"

11 komentar:

  1. Hintalllooooo.............oooooooo

    Banggalah menjadi putra daerah kalua karna kalua adalah bagian dr Indonesia yg punya banyak Budaya dan ciri khas yg unik,,,,,,,,,,^_^

    Hidup Kalua !!!!!

    BalasHapus
  2. Nice postingan, heee sampai kapapun bhs kalua emg asyik didengar lugatx

    BalasHapus
  3. hahahahahaha.....
    tatap sanang jadi orang kalua

    BalasHapus
  4. kalua dan hintao,satu kesatuan yang nggak bisa dipisahkan

    BalasHapus
  5. raja gaya............. sayang wahini kd tapi akrab lg aku lwan kwan disitu, lawas di banua urang ne pank........nyaman di banua sorang jua,,, saran gasan ampun blog...... kisah kan tempat-tempat besejarah di kalua, terutama makam kita nang di agur to nah,,, lwan kabiasaan kita bulan puasa.

    BalasHapus
  6. perlu kusimpan blog kampung halaman ku ne di fb ku,,,,,,,,,,,, kusebarkan lwan kawanan ku disini

    BalasHapus
  7. hintelooooooooooooor

    :2thumbup

    BalasHapus
  8. ulun gin katuju mandangar bahasa kalua tu, lucu bannar.

    BalasHapus
  9. ulun suahai bajalanan ka kalua liwat sungai turak hamuntai, ayuha salam badangsanakan haja lawan kulakula dibanua Kalua

    BalasHapus
  10. kaluaaaa aku dilahirkan dikelua...
    kaluaaaa aku dibesarkan dikelua...
    Kaluaaaa aku mati ny apakah dikelua jua... Wkwkwk ?mudhan lws lg mati. . . salam sabarata.an sanak lah..

    BalasHapus
  11. Logat org kalua itu mirif dgn logat org malaysia yaa. Uln urg alabio gen katuju mandangar kwn uln yg org kalua bpandir.

    BalasHapus

Terimakasih gasan kakawanan nang sempat manyawatakan maisi komentar nya disini